На земјите кандидатки и потенцијални кандидатки лежи одговорноста за патот кон полноправно членство во ЕУ, на кое треба и понатаму да бидат посветени со реформите, кои од нив се бараат, се истакнува во заедничката декларација на учесниците на самитот на Процесот Брдо-Бриони, одржан во Скопје.
Лидерите на Западниот Балкан, претседателот на Европската комисија и бугарскиот премиер на синоќешниот заеднички заклучок на состанокот нагласија дека ќе продолжат да ги подржуваат објективните критериуми за проширување на ЕУ како би се вклучиле земјите учеснички на Процесот Брдо-Бриони, во кои се нагласува поединечната процена, заснована на заслугите.
