Додека советничката на српскиот претседател за медиуми, Сузана Васиљевиќ синоќа за ТВ Пинк изјави дека Александар Вучиќ поминал два дена на апарати, но дека е малку подобро.
Како што јави дописникот на МИА од Белград, таа додаде дека се надева дека Србија ќе ја надминеме „оваа, скоро па трагедија“.
– Тој беше толку лошо што самиот побара да го однесат во болница, изјави Васиљевиќ, додавајќи дека се надева оти Вучиќ ќе почне малку повеќе да ги слуша лекарите и да зема терапија.
Таа се осврна и на коментарите за здравјето на Вучиќ.
– Не знам што се случило проади што ова општество стана толку страшно. Поголем дел од јавноста беа вистински загрижени. Претседателот доби голем број пораки од светските претставници, од Макрон, албанскиот премиер, Борут Пахор, Додик, истакна Васиљевиќ.
Српскиот претседател Вучиќ во петокот попладне беше примен на ВМА поради кардиоваскулрани проблеми, а во саботата порача дека ќе биде во „целосен работен погон“ почнувајќи од понеделник.
Министер за здравство, Златибор Лончар вчера изјави дека српскиот претседател има хронични, помали проблеми со срцето, но дека во петокот неговата здравствена состојба се влошила кога решил да се обрати до лекарите и дека по приемот на ВМА е проценето дека претседателот на Србија е животно загрозен.
