идерот на ВМРО-ДПМНЕ Христијан Мицкоски во интервју за хрватски Вечерњи лист вели дека секој петти Македонец живее под линијата на сиромаштијата.
Тој на прашањето каква е економската состојба во Македонија, истакна дека секој петти Македонец живее под линијата на сиромаштијата, граѓаните немаат основни средства за егзистенција, а тоа е резултат на владеењето на Заев.
„Значи, тие немаат доволно пари за летен одмор или студии, но не и доволно за храна. Официјалните бројки покажуваат дека повеќе од 500.000 граѓани немаат основни средства за егзистенција. Ние сме последни на списокот за СДИ, ништо не се гради, а реализацијата на капиталните инвестиции и покрај ниските проекции, едвај надминува една третина од планот. Здравството е во хаос. Образованието и земјоделството се на работ на колапс. Македонија е на дното на скалата за транспарентност кога станува збор за корупцијата. Тоа е слика на Македонија откако Заев е на власт веќе три години“, рече Мицкоски.
