Во сабота на 1 јуни о.г. беше одржан четвртиот по ред државен квалификациски натпревар за „Кинески мост“ – Меѓународниот натпревар по кинески јазик.
Натпреварот беше одржан во холот на НУБ “Св. Климент Охридски” во Скопје.
Присуствуваа бројни почитувачи и изучувачи на кинеската култура и кинескиот јазик.
Натпреварувачите се натпреваруваа и ги покажаа своите вештини во калиграфија и зборување на кинескиот јазик.
Нтапреварувањето “Кинески мост” беше пропратено и со приказна од кинеската култура и изворни кинески песни во кои најмладите зедоа учество, на задоволство на посетителите.
Претседателот на институтот Конфуциј во Скопје амбасадорот на НР Кина, ректорот при УКИМ и една од победничките на натпреварувањето.
Првопласирана во натпреварот е Стефанија Кузмановска, второпласирана Ивана Иванова и третопласираните Верица Костова, Мила Динковска и Славица Ничовска Донев. Тие покажаа инзворедно знање на кинескиот јазик и калиграфија и воопшто од кинеската култура.
Институтот Конфуциј упати пофалби за сите натпреварувачи и благодарност до стручното жири за инзворедно завршената задача.
Исто така беше присутен и амбасадорот на НР Кина Н.Е: Јин Лишијан како и ректорот при УКИМ проф. д-р Никола Јанкуловски.
Меѓу останатите кои го разубавија настанот беа и учениците од школото за кинески јазик “Ни Хао”.
