ПОДГОРИЦА – На синоќешната седница на Владата на Црна Гора, Владата на Република Црна Гора го усвои Предлог-законот за измени и дополнувања на Законот за јавен ред и мир, во чиј состав
се вклучуваат прекршоци и казнени одредби во врска со употребата на државните симболи и изведувањето на националната химна.
Министерот за култура, Александар Богдановиќ, по седницата рече дека “промените и усогласувањето на законот се реакција на настани кои првенствено се однесуваат на поставување и неточна презентација на јасно утврдените историски факти поврзани со Црна Гора и презентирање на фактите што го нарушуваат територијалниот интегритет на државата”, објавија црногорските медиуми .
