Претседателот на Србија Александар Вучиќ и косовскиот претседател Хашим Тачи ќе се состанат утре на нова рунда разговори во Брисел, а од ЕУ најавуваат дека тие ќе продолжат со работата на сеопфатна нормализација, ќе ги размотрат постојните договори и ќе разговараат за новите чекори во погледот на интензивниот период кој претстои.
Вучиќ и Тачи на новата рунда на дијалогот за нормализација на односите помеѓу Белград и Приштина доаѓаат на повикот на шефицата на дипломатијата на ЕУ федерика Могерини.
