Маж со потекло од кинескиот регион Внатрешна Монголија денес детонираше мала бомба од домашна изработка пред амбасадата на САД во Пекинг, при што самиот се ранил и нема други повредени, наведува АП повикувајќи се на кинеската полиција и портпаролот на амбасадата на САД.
Се наведува дека на сајтот на полицијата на кинеската престолнина е објавено соопштение во кое осумничениот е индетификуван како 26-годишен Џијанг. Тој бомбата ја направил од направи за огномет и ја детонирал во еден часот попладне по локално време.
