Словенечкиот претседател Борут Пахор го извести денеска парламентот дека никого нема да предложи за мандатор на новата Влада затоа што потенцијалните кандидати за таа должност му признале дека до сега не успеале да соберат потребно мнозинство од 46 пратеници во 90-члениот Државен сабор.
По изборите одржани 3. јуни Пахор мандатот му го понуди на Јанез Јанша, чија Словенечка демократска странка (СДС) доби 25 пратенички места, но тој го одби мандатот признавајќи дека за избор за премиер и за своја влада во парламентот ги нема потребните коалициони партнери, иако се надева дека тоа би можело “во наредните недели” да се смени.
