Како што јавува Макфакс од здружението “го сакам Водно” велат дека „Некој го довел во заблуда вицепремиерот дека се работи за шума од 600 метри до максимален потег од 1 км, која би се исекла при изградба на гасоводот на Водно”.
Трасата на гасоводот низ парк-шумата Водно ќе се разгледува заедно со граѓаните. Вчера попладне претставници од граѓански инцијативи се сретнаа со вицепремиерот за економски прашања, Кочо Анѓушев, на негов повик, заедно со директорот на МЕР, Бајрам Реџепи, градоначалникот на град Скопје, Петре Шилегов, и шефот на неговиот кабинет, Никола Наумоски, во просториите на Владата.
Вицепремиерот Анѓушев иницирал да се оди заедно по трасата на Водно за да се направи увид на штетата што би настанала. Терминот ќе се утврдува понатаму.
