дома Балкан Јанша: Двојните аршини водат до распаѓање на ЕУ, ние ќе се бориме...

Јанша: Двојните аршини водат до распаѓање на ЕУ, ние ќе се бориме за еднакви права на сите

26
0
АКЦИЈА

Премиерот на Словенија, Јанез Јанша рече дека неговата земја ќе се бори против двојните аршини во Европската Унија, откако Словенија ќе го преземе претседателството со ЕУ од Португалија.

На церемонијата по повод Денот на државноста, Јанша симболично го презеде претседателството со ЕУ од португалскиот министер за надворешни работи и рече дека Словенија, бидејќи по вторпат претседава со Унијата, има одредено искуство во водењето на ваквите заедници.

„Знаеме што работи, а што не, знаеме дека двојните аршини се патот до распаѓање и ќе се бориме за еднакви правила за сите“, нагласи Јанша.

Заблагодарувајќи се на португалското претседателство со ЕУ за, како што рече, извонредната работа во тешки околности, Јанша рече дека Словенија ќе стори се за да го направи постпандемичното закрепнување брзо и ефикасно и да ги постави темелите за стратешката автономија на Унијата што е можно поскоро, објавиja агенциите во регионот.

Тој подвлече дека визијата за Словенија и ЕУ се заснова на слободно изразување на мислење, високи стандарди за заштита на човековите права и владеење на правото, што подразбира еднакви правила за сите.

Со обраќањето на Јанша во петокот заврши двочасовната церемонија на Денот на државноста, на која присуствуваа највисоките функционери и политичари, верски лидери на Словенија, како и високи гости од соседните земји и ЕУ.

Церемонијата ја одбележа 30-годишнината од државноста на ова земја, но и претстојното претседателство со Советот на ЕУ, кое официјално ќе започне на 1 јули.

makfax.com.mk

ОСТАВЕТЕ ОДГОВОР

Please enter your comment!
Please enter your name here