Бугарија не го оспорува правото на самоопределување на Република Северна Македонија, ниту нивното право да го нарекуваат својот јазик како што сакаат. Ова го изјави вицепремиерот и министер за надворешни работи Екатерина Захариева во интервју за Ројтерс.
„Нашата загриженост е поврзана со постојаните тврдења на РСМ кон македонското малцинство во нашата земја. Ако ги препознаат корените на нивната нација и јазик, тоа ќе заврши“, додаде бугарскиот прв дипломат.
Екатерина Захариева потсети дека Бугарија го фокусира својот прв период од ротирачкото претседателство со ЕУ во 2018 година на забрзаниот пристап на земјите од Западен Балкан во 27-члениот блок. Но, таа може да стави вето на официјалниот почеток на пристапните разговори со Северна Македонија следниот месец, ако двете страни не можат да го решат прашањето.
Ова е уште еден предизвик за Скопје, кој се согласи да го додаде „Северба“ на своето име со цел да се реши повеќедеценискиот конфликт со Грција и да се расчисти патот за влез во ЕУ и НАТО. Преименуваната Северна Македонија се приклучи на НАТО претходно оваа година, потсетува британската агенција.
„Подготвени сме да ги потврдиме моменталните реалности, но тие мора да ја признаат историската вистина“, рече Захариева.
Според визијата на Софија, идејата за македонска нација и јазик е создадена во поранешна Југославија кон крајот на 40-тите години на 20 век, а пред дваесеттите години од минатиот век, повеќето луѓе во регионот се сметале себеси за Бугари.
Двете страни водеа разговори во изминатите две недели за да се обидат да ги решат своите разлики пред самитот на ЕУ на 10 ноември, но со мал успех.
Во четвртокот, премиерот на Северна Македонија, Зоран Заев, рече дека се надева оти двете страни ќе најдат решение, но истакна дека идентитетот и јазикот на земјата не подлежат на преговори,
