Американскиот претседател Доналд Трамп соопшти синоќа дека Судан е трета арапска земја која постигнала договор за нормализација на дипломатските односи со Израел. Објавата уследи откако Американскиот претседател го обавести Конгресот дека ќе го тргне Судан од листата на земјите кои спонзорираат тероризам, соопшти вчера Белата куќа, по што афричката земја префрли 335 милиони долари на сметка на американските жртви од тероризмот и нивните семејства.
