Фитнес инструктор од Србија, Марко Николиќ се одлучи да реализира трка од Ниш до Атина како би го привлекол вниманието на јавноста на малата Теодора и нејзиниот здравствен проблем. Чин за секоја почит!
Николиќ ќе трча 1.000 километри, и низ Македонија, во желбата да собере што повеќе средства за лечење на малата Теодора но и помош за нејзиното семејство кое живее во исклучително лоши услови и во руинирана куча.
„Најдов некои спонзори, но тоа не е доволно. Па, сега тие спонзори одлучив да ги искористам за еден подвиг преку кој сакам комплетно да го привлечам вниманието на јавноста на малата Теодора на која итно и е неопходна трансплатација на коскена срж во Болоња. Бебето има само една година и прима хемотерапија откако е родена која ја одржува во живот. Иако хуманитарната акција трае, семејството не успеа да собере ниту малку средства“ – објаснува Николиќ.
Неговата авантура ќе може да се следи директно преку Инстаграм профилот. А, искрено се надева дека сега ова ќе го видат хумани луѓе и ќе помогнат да се соберат средства.
„Ми требаше извесно време за да сфатам дека е можно да се истрча оваа дистанца. Прво се плашев дали може да се впуштам во вакво нешто, но потоа си реков дека во животот ништо не е невозможно. Минував низ тешки период во животот и секогаш на крајот излегував како победник. Станав имун и отпорен на бројни проблеми. Дојде време да мотивирам и повеќе луѓе кои се сомневаат во себе и во своите квалитети и кои се плашат да ја напуштат комотната зона. Многумина ми рекоа да не го правам ова затоа што не е можно, а јас им реков како може да тврдите дека не е можно кога не сте пробале. Ова го правам за Теодора и нејзиното семејство“ – вели Николиќ.
Целта на Николиќ е за 20 дена да мине 1.000 километри, од Ниш преку Скопје и Солун па се до Атина. Во неговиот тим ќе биде возачот Владимир Здравковиќ и девојката Станислава Петровиќ како помош за евентуални несакани случаи.
екипа.мк
