Премиерот на Грција Алексис Ципрас повика на денешниот мини-самит на 16 челници од вкупно 28 држави членки на ЕУ за ревизија на европскиот систем за азил како теретот кои го создаваат избеглиците би бил поправично расподелен, истовремено спротивувајќи се на предложеното воспоставување на избеглички прифатни центри “од затворен тип”,кои би се наоѓале вон ЕУ, пренесува АНА.
Се наведува дека Ципрас се заложол и за поголема подршка на земјите на првиот прием во Европа, подршка на земјите на транзит и потекло, како и посилен европски механизам за враќање на избеглиците и воспоставување силни европски гранични и погранични стражи кои би ја замениле пограничната агенција ЕУ Фронтекс.
