Претседателот на највлијателната опозициона партија Давор Бернардиќ енергично ја отфрли секоја можност за формирање голема коалиција со ХДЗ откако порталот Index објави нови инкриминирачки мејлови од кои јасно се гледа дека премиерот Пленковиќ не само што знаел за групата која му пишувала на Лекс Агрокор, туку со нив во неколку наврати и се состанал.
“Пред се, новите мејлови покажуваат не само дека премиерот бил информиран, туку и лично бил на чело на групата Борг која извлекла 500 милиони куни од Агрокор и ова е дефинитивен крај на претседателот на владата. Го повикувам да распише избори и да ја запре оваа агонија затоа што Хрватска не смее да биде заложник на еден човек – во овој случај на него”, рече Бернардиќ, пренесе порталот Index.hr.
