“Политиката постана роба и сега некоја јавна личност не сака да каже мислење за или против, а да не го наплати тоа. И јас можам да кажам нешто, но морам да наплатам. Идеите умреа. Тие останаа во крајот на деведесетите, претседателите на големите држави се бизнисмени и на никој не му е важно да се занимава со идеологија туку со бизнис”, смета музичарот и пистелот Неле Карајлиќ.
Тој смета дека политиката не е крајна цел туку амбиент во кој се развива општествотоo.
“Јас се надевам дека луѓето се помалку се расправаат заради политиката, денес го нема тоа пенење, а можеби нема друга страна. Парламентот е смислен тие страни да се канализираат како ние не би се тепале по улици”.
Неле Карајлиќ наведува дека и Топ листа надреалиста е врзана за политика и додава дека без политиката би било “како слаткар без колачи”.
“Друго е кога се занимавате со политика во контекстот на вашата песна или серија, неблагодарно е кога уметникот ќе го прашате за дневнополитичко мислење, ние со тоа не се занимаваме. Јас можам да дадам суд за некоја општа ситуација, но тоа не е суд на компетентен човек”
Нова книга за Белград и Дорќол, на семејството во виорот на 20. век
Новата книга на Неле Карајлиќ Солунска 28 ќе излезе на 17. мај. Книгата е врзана за Белград и Дорќол затоа што сакам, вели, да види како публиката ќе реагира на нешто што не е автобиографија.
“Тука се крие вистинита приказна. Мојот прадедо дошол и подигнал куќа, таа после се има иста адреса. Семејството се развивало во повеќе правци, приказната која ја пишувам е биографска на самиот почеток. Првиот дел се завршува во 1918, пратиме развој на една избеглича фамилија, мажот бегал од Прахово, неговата сопруга бегала од Австрија. Се нашле во Белград, исто како и јас низ некоја сила на приликите. Решиле да направат свој живот во Белград”.
Моето искуство е дека човекот секогаш паѓа и секогаш се дига, наведува Карајлиќ и додава дека прашањето е колку има желба за живот и со колку сила влегувате во новиот круг.
