Растечките нивоа на долгот и трговскиот спор помеѓу двете најголеми светски економии претсавуваат закана по глобалната економија која со години не била во ваква добра состојба,предупреди синоќа директорката на Меѓународниот монетарен фонд Кристин Лагард.
“Трговската војна нема да биде нешто што ќе погоди само две држави, бидејќи светот е поврзан. Тој ќе ја погоди и глобалната економија”, им рече Лагард на новинарите во Вашингтон алудирајќи на американско-кинеските трговски тензии, пренесува агенцијата АП.
